www.winter-wonderland.de

Töben up'n Wihnachtsmann

Mama, Mama wann kumt de Wihnachtsmann.
kumt he bi us no rechtiedig an?

Bit dorhenn mien Jun'g heff wi no veel to dohn,
Süüh dor kumt dien Vadder mit'n Dannenboom.
Opa de denn Hoff fecht un harkt,
Oma in't Huus rümwarkt
un Mudder is inne Köök to fin'n,
schuff jüüst de groode Wihnachtsgans in'n Backobend rinn.
Dor treckt de lütte anne Schöört un stubbst ehr an,
Mama, Mama wannehr kümt de Wihnachtsmann,
schafft he no all'ns, kigg he no alle Geschenke rann?

Tööf mien Jung'nu kumst'eers mol inne Kuup,
warst mit Seep wuschen, mule kämmt mit´n Hohnenkamm up'n Koop,
nu inne beste Kleedasch un denn rupp no Oma in de oberste Etaash.
Bi Oma an'n Rockzippel rann, keek ehr mit troosssschüllig Oogen an,
Oma - wann kumt de Wihnachtsmann?
Hör seggt Oma, dor geiht de Döör, dor löppt een rut,
dat is de Wihnachtsmann mit de Ruut,
orrer büst du jümmer ortig wesen un hest dien Gedicht ok lehrt,
denn löppt dit Johr ok sach's nix verkehrt!
Oma, Oma is he nu dorwesen, de Wihnachtsmann,
nehm ehre Hand un duukel sick dicht an ehr rann?

Mudder röppt, komt alle her! - Nu stoht wi all tosomen inne Stubendöör,
dor steiht he nu de Dannenboom - in sien beste Klöör.
Dorünner liggt de Geschenke lütt un groot,
un Mudder de Troonen inne Oogen stooht.

Ganz liesen frogt de lütte Mann:
"Wo is de Wihnachtsmann?"
Och de harr keene Tied, he mööt no so veel doohn,
he müß jo vanobend no veele Hüüser wietregohn.

To'n Eeten harr de lütte Mann nu gorkeen Tied,
de Geschenke dat weer nu seen Riek.
Tofreeden un mööh packt Mudder loot an'n Obend inne Puuch em rinn,
mit een gooden Droom schiep he nu in - as so´n lüttet Wihnachtskind!